Get real time updates directly on you device, subscribe now.
१४ जेठ, काठमाडौँ । नेपालमा कोरोना संक्रमणका कारण ज्यान गुमाउनेको संख्या ७ हजार नाघेको छ ।
पछिल्लो २४ घण्टामा थप ९६ जना कोरोना संक्रमितको मृत्यु भएसँगै मृतक संख्या ७ हजार ४७ पुगेको स्वास्थ्य तथा जनसंख्या मन्त्रालयले जनाएको छ ।
शुक्रबार देशभरी ६ हजार ९५१ जनामा कोरोना भाइरसको संक्रमण देखिएको छ । त्यस्तै ९ हजार ८४१ जना संक्रमित निको भएका छन् ।
नेपालमा हालसम्म ५ लाख ४९ हजार १११ जना कोरोना भाइरसबाट संक्रमित भएका छन् भने ४ लाख २८ हजार ६७० अर्थात ७८.१ प्रतिशत भने संक्रमणमुक्त भएका छन् ।