बिहीबार नेपालमा १७ जना कोरोना संक्रमितको मृत्यु, मृतक संख्या ९०४ पुग्यो

१३ कार्तिक, काठमाडौँ । नेपालभर पछिल्लो २४ घण्टामा १७ जना कोरोना संक्रमितको मृत्यु भएको छ ।

योसँगै कोरोनाबाट ज्यान गुमाउनेको संख्या ९ सय ४ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभरी २ हजार ३ सय ६४ जनामा कोरोना भाइरसको संक्रमण पुष्टि भएको छ । त्यस्तै २४ घण्टा यता ३ हजार ३८ जना संक्रमित निको भएका छन् ।