शुक्रबार नेपालमा १७ जना कोरोना संक्रमितको मृत्यु, मृतक संख्या १०८७ पुग्यो

२२ कार्तिक, काठमाडौँ । नेपालभर पछिल्लो २४ घण्टामा १७ जना कोरोना संक्रमितको मृत्यु भएको छ ।

योसँगै कोरोनाबाट ज्यान गुमाउनेको संख्या १ हजार ८७ पुगेको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा देशभरी २ हजार ७ सय ५३ जनामा कोरोना भाइरसको संक्रमण देखिएको छ । त्यस्तै २ हजार २ सय ४ जना संक्रमित निको भएका छन् भने १७ जना संक्रमितको मृत्यु भएको छ ।