सोमबार एकैदिन १८ जना कोरोना संक्रमितको मृत्यु

२९ मंसिर, काठमाडौँ । नेपालमा गत २४ घण्टामा १८ जना कोरोना संक्रमितको मृत्यु भएको छ । योसँगै नेपालमा कोरोना संक्रमणका कारण ज्यान गुमाउनेको संख्या १ हजार ७ सय १६ पुगेको स्वास्थ्य मन्त्रालयले जनाएको छ । ।

स्वास्थ्य तथा जनसंख्या मन्त्रालयका अनुसार नेपालमा कोरोना भाइरसका कुल संक्रमितमध्ये ०.६६ प्रतिशतको मृत्यु भएको छ ।

पछिल्लो २४ घण्टामा देशभरी ८२१ जना कोरोना भाइरसका संक्रमित थपिएका छन् । त्यस्तै ८४२ जना भने संक्रमण मुक्त भएका छन् ।