Get real time updates directly on you device, subscribe now.
२९ पौष । बुधबार देशभर १७९ जना कोरोना संक्रमित भेन्टिलेटर र आई.सी.यु.कक्षमा उपचारत रहेका छन् । उपचारत संक्रमितमध्ये ३५ जना भेन्टिलेटर र १४४ जना आई.सी.यु.कक्षमा रहेको स्वास्थ्य मन्त्रालयले जनाएको छ ।
स्वास्थ्य मन्त्रालयका अनुसार प्रदेश नं १ मा १ जना, बागमती प्रदेशमा २० जना, गण्डकी प्रदेशमा ६ जना, लुम्बिनीमा प्रदेशमा ७ जना तथा सुदुरपश्चिम प्रदेशमा १ जनाको भेन्टिलेटरमा उपचार भइरहेको छ ।
त्यस्तै प्रदेश नं १ मा १ जना, बागमती प्रदेशमा ५६ जना, गण्डकी प्रदेशमा ५० जना, लुम्बिनी प्रदेशमा ३३ जना, कर्णाली प्रदेशमा २ र सुदुरपश्चिम प्रदेशमा २ जना आई.सी.यु.मा उपचारत छन् ।
नेपालमा मंगलबार ४४५ जनामा कोरोना भाइरसको संक्रमण देखिएको छ । त्यस्तै ४१४ जना संक्रमण मुक्त भएका छन् भने ५ जना कोरोना संक्रमितको मृत्यु भएको छ ।