Get real time updates directly on you device, subscribe now.
२९ फागुन, काठमाडौं । नेपालमा पछिल्लो २४ घण्टाभित्र थप ५८ जनालाई कोरोना भाइरसको संक्रमण पुष्टि भएको छ । त्यस्तै १४८ जना निको भएको स्वास्थ्य मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा ३ हजार ५३९ आरटी पीसीआर विधि र १ हजार ८७९ एन्टिजेन गरी जम्मा ५ हजार ४१८ नमुना परीक्षण गरिएकोमा ५८ नमुनाको नतिजा पोजिटिभ आएको छ ।
नेपालमा हालसम्म कोरोना संक्रमण केस ११ लाख १७ हजार ९९९ पुगेको छ । संक्रमितमध्ये ९ लाख ६१ हजार २१८ केस संक्रमणमुक्त भएको छ । अब देशभर ४ हजार ८१९ जना सक्रिय संक्रमित छन् ।
नेपालमा हालसम्म कोरोनाका कारण ११ हजार ९५० जनाले ज्यान गुमाएका छन् । संक्रमितमध्ये ९८.३ प्रतिशत निको भएका छन् भने १.२ प्रतिशतको मृत्यु भएको छ ।