Get real time updates directly on you device, subscribe now.
५ जेठ, काठमाडौं । नेपालमा पछिल्लो २४ घण्टाभित्र १२ जनालाई कोरोना भाइरसको संक्रमण पुष्टि भएको छ । त्यस्तै ९ जना भने निको भएको स्वास्थ्य मन्त्रालयले जनाएको छ ।
मन्त्रालयका अनुसार गत २४ घण्टामा २ हजार ५८० आरटी पीसीआर विधि र १ हजार ४७ एन्टिजेन गरी जम्मा ३ हजार ६२७ नमुना परीक्षण गरिएकोमा १२ नमुनाको नतिजा पोजिटिभ आएको छ ।
नेपालमा हालसम्म कोरोना संक्रमण केस आरटी पीसीआर विधीबाट ९ लाख ७९ हजार ३८ र एन्टिजेन विधीबाट १ लाख ४० हजार २०९ पुगेको छ । संक्रमितमध्ये ९ लाख ६६ हजार ९३८ केस संक्रमणमुक्त भएको छ । अब देशभर १५० जना सक्रिय संक्रमित छन् ।
नेपालमा हालसम्म कोरोनाका कारण ११ हजार ९५२ जनाले ज्यान गुमाएका छन् । संक्रमितमध्ये ९८.८ प्रतिशत निको भएका छन् भने १.२ प्रतिशतको मृत्यु भएको छ ।