Get real time updates directly on you device, subscribe now.
३० जेठ, काठमाडौं । टाटा ग्रुपले एयर इन्डिया दुर्घटनामा ज्यान गुमाएकाका परिवारलाई एक करोड भारु दिने घोषणा गरेको छ ।
टाटाले हरेक मृतकका परिवारलाई राहत स्वरुप उक्त रकम उपलब्ध गराउन लागेको हो ।
दुर्घटनामा घाइते भएका सबैको उपचार गर्ने तथा उनीहरुको आवश्यक हेरचाह र सहयोगको सुनिश्चितताको प्रतिबद्धता पनि टाटाले ग्रुपले गरेको छ ।
त्यस्तै भत्किएको मेडिकल होस्टेल बनाइदिने घोषणा टाटा ग्रुपले गरेको छ ।
बिहीबार भारतको अहमदावादबाट बेलायतको लण्डनका लागि उडेको एयर इन्डियाको बोइङ ७८७–८ विमान दुर्घटना भएको थियो ।
जहाज उडेको २ मिनेटमै खसेर आगो लागेको थियो । जहाज दुर्घटना हुँदा २४१ जनाको मृत्यु भएको एयर इण्डियाले जनाएको छ ।
विमानमा २३० यात्रु र १२ जना चालक दलका सदस्यहरु थिए ।
विमानमा सवार एक जना यात्रु उछिट्टिएर बाँच्न सफल भएका छन् । उनको उपचार भइरहेको छ ।
Comments are closed, but trackbacks and pingbacks are open.