बुधबार थपिए ३१ जना कोरोना संक्रमित, १० जना निको भए

८ असार, काठमाडौं । नेपालमा पछिल्लो २४ घण्टाभित्र ३१ जनालाई कोरोना भाइरसको संक्रमण पुष्टि भएको छ । त्यस्तै १० जना भने निको भएको स्वास्थ्य मन्त्रालयले जनाएको छ ।

मन्त्रालयका अनुसार गत २४ घण्टामा १ हजार ५७५ आरटी पीसीआर विधि र ८५० एन्टिजेन गरी जम्मा २ हजार ४२५ नमुना परीक्षण गरिएकोमा ३१ नमुनाको नतिजा पोजिटिभ आएको छ ।

नेपालमा हालसम्म कोरोना संक्रमण केस आरटी पीसीआर विधीबाट ९ लाख ७९ हजार ४२४ र एन्टिजेन विधीबाट १ लाख ४० हजार ३९३ पुगेको छ । संक्रमितमध्ये ९ लाख ६७ हजार ३३० केस संक्रमणमुक्त भएको छ । अब देशभर १४२ जना सक्रिय संक्रमित छन् ।

नेपालमा हालसम्म कोरोनाका कारण ११ हजार ९५२ जनाले ज्यान गुमाएका छन् । संक्रमितमध्ये ९८.८ प्रतिशत निको भएका छन् भने १.२ प्रतिशतको मृत्यु भएको छ ।