Get real time updates directly on you device, subscribe now.
४ चैत, काठमाडौं । नेपालमा पछिल्लो २४ घण्टाभित्र थप ५१ जनालाई कोरोना भाइरसको संक्रमण पुष्टि भएको छ । त्यस्तै ३९२ जना निको भएको स्वास्थ्य मन्त्रालयले जनाएको छ ।
स्वास्थ्य तथा जनसंख्या मन्त्रालयका अनुसार गत २४ घण्टामा २ हजार ५९२ आरटी पीसीआर विधि र ३ हजार ३२२ एन्टिजेन गरी जम्मा ५ हजार ९१४ नमुना परीक्षण गरिएकोमा ५१ नमुनाको नतिजा पोजिटिभ आएको छ ।
नेपालमा हालसम्म कोरोना संक्रमण केस ११ लाख १८ हजार २४२ पुगेको छ । संक्रमितमध्ये ९ लाख ६२ हजार १७३ केस संक्रमणमुक्त भएको छ । अब देशभर ३ हजार ९९६ जना सक्रिय संक्रमित छन् ।
नेपालमा हालसम्म कोरोनाका कारण ११ हजार ९५० जनाले ज्यान गुमाएका छन् । संक्रमितमध्ये ९८.३ प्रतिशत निको भएका छन् भने १.२ प्रतिशतको मृत्यु भएको छ ।