थप १२१ जनामा कोरोना संक्रमण, सक्रिय संक्रमित ६७८ पुगे

२६ असार, काठमाडौं । नेपालमा पछिल्लो २४ घण्टाभित्र १२१ जनालाई कोरोना भाइरसको संक्रमण पुष्टि भएको छ । त्यस्तै ३१ जना भने निको भएको स्वास्थ्य मन्त्रालयले जनाएको छ ।

मन्त्रालयका अनुसार गत २४ घण्टामा १ हजार ७०० आरटी पीसीआर विधि र १ हजार ३४५ एन्टिजेन गरी जम्मा ३ हजार ४५ नमुना परीक्षण गरिएकोमा १२१ नमुनाको नतिजा पोजिटिभ आएको छ ।

नेपालमा हालसम्म कोरोना संक्रमण केस आरटी पीसीआर विधीबाट ९ लाख ८० हजार ३१७ र एन्टिजेन विधीबाट १ लाख ४० हजार ६३९ पुगेको छ । संक्रमितमध्ये ९ लाख ६७ हजार ६८७ केस संक्रमणमुक्त भएको छ । अब देशभर सक्रिय संक्रमितको संख्या ६७८ जना पुगेको छ ।

नेपालमा हालसम्म कोरोनाका कारण ११ हजार ९५२ जनाले ज्यान गुमाएका छन् । संक्रमितमध्ये ९८.७ प्रतिशत निको भएका छन् भने १.२ प्रतिशतको मृत्यु भएको छ ।