Nepal's Trusted Health Online Portal

पुनः संक्रमितसहित नारायणी अस्पतालबाट ९ जना डिस्चार्ज, नेपालभर ७९ जना कोरोनामुक्त भए

Get real time updates directly on you device, subscribe now.

१०, जेठ । शनिबार साँझ नारायणी अस्पतालमा उपचाररत ९ जना कोरोना संक्रमित डिस्चार्ज भएका छन् ।

अस्पतालमा उपचाररत ९ जना संक्रमितहरुको पछिल्लो कोरोना परीक्षण रिपोर्ट लगातार नेगेटिभ आएपछि उनीहरुलाई डिस्चार्ज गरिएको अस्पतालले जनाएको छ ।

डिस्चार्ज हुनेहरुमा यसअघि पुन संक्रमण भएर उपचार गरिरहेका रौतहटका १९ बर्षीय युवक र एकजना भारतीय नागरिक पनि रहेका छन् । रौतहट र पर्साका ३/३ जना र बाराका २ जना तथा १ जना भारतीय नागरिक गरी ९ जना पुरुषहरु डिस्चार्ज भएका हुन् ।

पछिल्लो २४ घण्टा भित्र लगातार दुई पटकको कोरोना परीक्षण रिपोर्ट नेगेटिभ आएपछि उनीहरुलाई डिस्चार्ज गरिएको अस्पतालले जनाएको छ ।

वीरगञ्जको नारायणी अस्पतालमा ७१ जना कोरोना संक्रमितको उपचार भईरहेको थियो । अब त्यहाँ ६२ जना संक्रमित उपचाररत छन् ।

यससंगै कोरोना संक्रमितमध्ये उपचारपछि निको भएर डिस्चार्ज हुनेको संख्या ७९ पुगेको छ । बाँकी सबै संक्रमित उपचाररत रहेका छन् भने ३ जना संक्रमितको ज्यान गएको छ ।

Get real time updates directly on you device, subscribe now.

Leave A Reply

Your email address will not be published.