Nepal's Trusted Health Online Portal

बिहीबार थपिए ६७१ जना कोरोना संक्रमित, दुईको मृत्यु, संक्रमित संख्या ७ हजार ८ सय ४८ पुग्यो

Get real time updates directly on you device, subscribe now.

४ असार, काठमाडौं । नेपालमा बिहीबार थप ६७१ जनामा कोरोना भाइरस (कोभिड–१९) को संक्रमण देखिएको छ । योसंगै नेपालमा कोरोना संक्रमित भएकाहरुको संख्या ७ हजार ८ सय ४८ पुगेको छ ।

स्वास्थ्य मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा ८० जना महिला र ५९१ जना पुरुष गरी ६७१ जनामा कोरोना भाइरसको संक्रमण देखिएको छ । हालसम्म ७४ जिल्लामा कोरोना भाइरसको संक्रमण फैलिएको छ । आज एक जिल्ला थप भएको हो ।

संक्रमितमध्ये अहिलेसम्म १ हजार १८६ जना निको भएर घर फर्किइसकेका छन् । डिस्चार्ज हुनेमध्ये १ सय १४ जना महिला र १ हजार ७२ जना पुरुष रहेका छन् । पछिल्लो २४ घण्टामा १९ जना संक्रमित उपचारपछि डिस्चार्ज भएको प्रवक्ता डा. गौतमले जानकारी दिए ।

त्यस्तै सेती प्रादेशिक अस्पतालमा उपचाररत कैलाली गोदावरी नगरपालिका–०४ का ४६ बर्षीय पुरुष कोरोना संक्रमितको मृत्यु भएको छ । उनको उपचारको क्रममा असार ३ गते बेलुकी मृत्यु भएको हो ।

लम्कीचुवा निवासी ४३ बर्षीय मृतक महिलाको पनि कोरोना पुष्टि भएको छ । उनको जेठ ३१ गते टाउकोमा चोट लागि नेपालगञ्ज मेडिकल कलेजमा उपचाररत रहेकोमा असार २ गते मृत्यु भएको थियो । उनको असार ३ गते साँझ कोरोना पुष्टि भएको हो ।

Get real time updates directly on you device, subscribe now.

Leave A Reply

Your email address will not be published.