थप ६ जनाको कोरोना संक्रमणबाट मृत्यु, मृतक संख्या १९४३

१ माघ, काठमाडौँ । नेपालमा गत २४ घण्टामा ६ जनाको कोरोना संक्रमणबाट मृत्यु भएको छ ।

योसँगै नेपालमा कोरोना संक्रमणका कारण मृत्यु हुनेको संख्या १ हजार ९ सय ४३ पुगेको छ । संक्रमितमध्ये ०.७ प्रतिशतको मृत्यु भएको स्वास्थ्य मन्त्रालयले जनाएको छ ।

पछिल्लो २४ घण्टामा देशभरी ४ सय ३ जनामा कोरोना भाइरसको संक्रमण देखिएको छ । त्यस्तै ४ सय ५ जना संक्रमित निको भएका छन् ।