Nepal's Trusted Health Online Portal

एकैदिन थप १५ कोरोना संक्रमितको मृत्यु, मृतक संख्या ३६० पुग्यो

Get real time updates directly on you device, subscribe now.

२९ भदौ, काठमाडौँ । कोभिड–१९ को कारण सोमबार थप १५ जनाको मृत्यु भएको छ । पछिल्लो २४ घण्टामा ५ जना महिला र १० जना पुरुषको मृत्यु भएको स्वास्थ्य मन्त्रालयले जानकारी दिएको हो ।

स्वास्थ्य मन्त्रालयका प्रवक्ता डा.जागेश्वर गौतमका अनुसार कोरोना संक्रमणका कारण काठमाडौँकी ६१ वर्षीया एक जना, गोरखाकी ६३ वर्षीया एक जना, नवलपरासीकी ६२ वर्षीया एक जना, पर्साकी ५५ वर्षीया एक जना र कपिलवस्तुकी ४७ वर्षीया एक जना महिलाको मृत्यु भएको छ ।

त्यस्तै मोरङका ४० र ७० वर्षीय दुई पुरुष, ६९ वर्षीय एक पुरुष, काठमाडौँका ६२, ७०, ७३, ७७ र ८५ वर्षीय पाँच पुरुष, ललितपुरका ५५ वर्षीय एक पुरुष, भक्तपुका ७३ वर्षीय एक पुरुष र रामेछापका २३ वर्षीय एक पुरुषको कोरोना संक्रमणका कारण मृत्यु भएको छ ।

योसँगै नेपालमा कोरोना संक्रमणका कारण मृत्यु हुनेको संख्या ३६० पुगेको छ । संक्रमितमध्ये ०.६५ प्रतिशतको मृत्यु भएको स्वास्थ्य मन्त्रालयले जनाएको छ ।

Get real time updates directly on you device, subscribe now.

Leave A Reply

Your email address will not be published.