चितवन मेडिकल कलेजमा थप एक कोरोना संक्रमितको मृत्यु

२ असोज, काठमाडौँ । कोभिड–१९ को कारण चितवनमा एक जनाको मृत्यु भएको छ । चितवन मेडिकल कलेजमा ३१ वर्षीय पुरुषको मृत्यु भएको हो ।

उनको गएराति भेन्टिलेटरमा उपचारको क्रममा मृत्यु भएको अस्पतालले जनाएको छ ।

मृतक पूर्वी नवलपरासी जिल्ला देवचुली नगरपालिका वडा नं. ११ का हुन् । गत भदौ २६ गते कोरोना संक्रमण पुष्टि भएपछि उनको चितवन मेडिकल कलेजमा उपचार भइहेको थियो ।