कटन क्यान्डी खाँदा क्यान्सर हुने डर, भारतका केही स्थानमा प्रतिबन्ध

क्यान्सरको जोखिम

विभिन्न अध्ययनहरूले उक्त रसायनले क्यान्सरको जोखिम बढाउने देखाएका छन्। युरोप एवं अमेरिकाको क्यालिफोर्नियामा खाद्य पदार्थहरू रङ्गाउन त्यसको प्रयोग निषिद्ध छ।

तमिलनाडुमा कटन क्यान्डी ब्रिकीमा प्रतिबन्ध लगाउँदै त्यहाँका स्वास्थ्यमन्त्री मा सुब्रमण्यमले एउटा विज्ञप्ति निकालेका छन्।

“प्याकिङ, आयात, खानेकुराको बिक्री र विवाह वा अन्य सार्वजनिक समारोहमा वितरण हुने खानेकुरामा यो (रोडमाइन-बी) पाइए त्यो खाद्य सुरक्षा तथा मापदण्ड ऐन-२००६ अनुसार दण्डनीय हुने छ,” विज्ञप्तिमा लेखिएको छ।

तमिलनाडुको सिको गर्दै छिमेकी राज्य आन्ध्र प्रदेशले पनि कटन क्यान्डीका नमुनाहरू सङ्कलन गरेर क्यान्सर लगाउन सक्ने कारकहरूको जाँच गर्न थालेको बताइएको छ।

न्यू इन्डिया एक्सप्रेस पत्रिकाले यसै साताको सुरुमा दिल्लीका खाद्य सुरक्षा अधिकारीहरूले पनि कटन क्यान्डीमा प्रतिबन्ध लगाउन दबाव दिइरहेको खबर छापेको थियो। बीबीसी