Get real time updates directly on you device, subscribe now.
१२ जेठ, काठमाडौं । चीन सरकारले नेपालका लागि तत्काल १० लाख डोज खोप उपलब्ध गराउने घोषणा गरेको छ ।
यसअघि राष्ट्रपति विद्यादेवी भण्डारीले चीनका राष्ट्रपति सी जिनपिङसँग टेलिफोन वार्ता गरेकी थिइन् ।
करिब पौने एक घण्टा भएको टेलिफोन वार्तामा राष्ट्रपति भण्डारीले समकक्षी सीलाई तत्कालै खोप उपलब्ध गराउन विशेष आग्रह गरेकी थिइन् ।
चीन सरकारले कोरोना विरुद्ध सिनोफार्मले उत्पादन गरेको भेरोसेल खोप तत्कालै अनुदानस्वरुप उपलब्ध गराउन लागेको हो ।
यसअघि पनि चीनले नेपाललाई ८ लाख डोज खोप उपलब्ध गराइसकेको छ ।