थप २३ जना कोरोना संक्रमितको मृत्यु, मृतक संख्या ९,५५०

३ साउन, काठमाडौं । नेपालमा गत २४ घण्टामा कोरोना संक्रमणका कारण २३ जनाको मृत्यु भएको छ ।

यो सँगै नेपालमा कोरोना संक्रमणका कारण ज्यान गुमाउने संख्या ९ हजार ५५० पुगेको स्वास्थ्य मन्त्रालयले जनाएको छ ।

आइतबार देशभरी १ हजार ८०१ जनामा कोरोना भाइरसको संक्रमण देखिएको छ । त्यस्तै १ हजार ६६७ जना संक्रमित निको भएका छन् ।

नेपालमा हालसम्म संक्रमितमध्ये ६ लाख ३२ हजार ७४ अर्थात ९४.७ प्रतिशत संक्रमणमुक्त भएका छन् ।