१८ जनामा कोरोना संक्रमण, २५ जना संक्रमणमुक्त

९ वैशाख, काठमाडौं । नेपालमा पछिल्लो २४ घण्टाभित्र १८ जनालाई कोरोना भाइरसको संक्रमण पुष्टि भएको छ । त्यस्तै २५ जना भने निको भएको स्वास्थ्य मन्त्रालयले जनाएको छ ।

मन्त्रालयका अनुसार गत २४ घण्टामा २ हजार १३३ आरटी पीसीआर विधि र १ हजार ५१८ एन्टिजेन गरी जम्मा ३ हजार ६५१ नमुना परीक्षण गरिएकोमा १८ नमुनाको नतिजा पोजिटिभ आएको छ ।

नेपालमा हालसम्म कोरोना संक्रमण केस आरटी पीसीआर विधीबाट ९ लाख ७८ हजार ७१४ र एन्टिजेन विधीबाट १ लाख ४० हजार १७९ पुगेको छ । संक्रमितमध्ये ९ लाख ६६ हजार ४८१ केस संक्रमणमुक्त भएको छ । अब देशभर २८२ जना सक्रिय संक्रमित छन् ।

नेपालमा हालसम्म कोरोनाका कारण ११ हजार ९५१ जनाले ज्यान गुमाएका छन् । संक्रमितमध्ये ९८.८ प्रतिशत निको भएका छन् भने १.२ प्रतिशतको मृत्यु भएको छ ।