Nepal's Trusted Health Online Portal

बागमती प्रदेश सभाकी उपसभामुखलाई कोरोना संक्रमण

Get real time updates directly on you device, subscribe now.

१ भदौ । बागमती प्रदेश सभाकी उपसभामुख राधिका तामाङलाई कोरोनो सङ्क्रमण भएको छ ।
उपसभामुख तामाङसहित उनको ९ वर्षीय छोरालाई पनि कोरोना सङ्क्रमण भएको तामाङको पारिवारिक स्रोतले जानकारी दिएको छ ।

साउन १५ गते सङ्घीय राजधानी काठमाडौँ गएका बेला भएका विभिन्न राजनीतिक भेटघाटका क्रममा कोरोना सङ्क्रमण भएको अनुमान गरिएको उपसभामुख तामाङका श्रीमान् डिबी तामाङले जानकारी दिएका छन् ।

गत साउन १५ गते उपसभामुखसहितको टोली काठमाडौँ गएर साउन २५ गते फर्किएको थियो । काठमाडौँ रहँदा गृहजिल्ला नुवाकोटका तीन वटा टोलीसँग समेत भेटघाट भएको थियो । उक्त टोलीका एक जना वडाध्यक्षमा कोरोना पोजिटिभ देखिएपछि उपसभामुख तामाङको पनि स्वाब परीक्षण गरिएकोमा रिपोर्ट पोजिटिभ आएको हो ।

उपसभामुख तामाङको हेटौँडामा स्वाब संकलन गरी पिसिआर परीक्षण गरिएको थियो । पिसिआर परीक्षण रिपोर्ट पोजिटिभ आएपछि अहिले उपसभामुखको परिवार सरकारी निवासमा आइसोलेसनमा रहेको छ ।

उपसभामुख तामाङको चालक, पीएसओसहित ६ जनाको स्वाब संकलन गरी परीक्षण गरिएकोमा ९ वर्षीय छोरा र उपसभामुखको मात्रै रिपोर्ट पोजिटिभ आएको हो ।

 

Get real time updates directly on you device, subscribe now.

Leave A Reply

Your email address will not be published.