Get real time updates directly on you device, subscribe now.
१४ जेठ, काठमाडौं । नेपालमा पछिल्लो २४ घण्टामा ११४ जनामा कोरोना संक्रमण देखिएको छ । योसंगै नेपालमा कोरोना संक्रमित भएकाहरुको संख्या ८८६ पुगेको छ ।
स्वास्थ्य मन्त्रालयले दैनिक पत्रकार सम्मेलनमा पछिल्लो २४ घण्टामा देशभर ११४ जनामा संक्रमण पुष्टि भएको जानकारी दिएको हो ।
मन्त्रालयका प्रवक्ता डा विकास देवकोटाका अनुसार झापामा १७, सप्तरीमा ११, मकवानपुरमा १, रौतहटमा ३६, बाग्लुङ्मा ६, रुकुममा ३, दाङ्मा १५, बाँकेमा १६, सिरहामा २ र बारामा ७ नयाँ संक्रमित देखिएको जानकारी दिएका छन् ।
संक्रमित मध्ये अहिलेसम्म १८३ जना निको भएर फर्किइसकेको प्रवक्ता देवकोटाले जानकारी दिए ।
प्रदेशगत संक्रमितको संख्या :
प्रदेश १ : १०३
प्रदेश २ : ३२४
बागमती : ३९
गण्डकी : १३
प्रदेश ५ : ३६५
कर्णाली : २५
सुदूरपश्चिम : १७