Get real time updates directly on you device, subscribe now.
६ असोज, काठमाडौं । मंगलबार देशभर ३७ जना भेन्टिलेटर र २२३ जना कोरोना संक्रमित आई.सी.यु.कक्षमा उपचारत रहेका छन् ।
देशभरका विभिन्न अस्पतालमा कोरोना संक्रमितको उपचार भइरहेको छ । कोरोना संक्रमितलाई लक्षणको आधारमा लाइफ सपोर्टको लागि उपचार हुने गर्दछ ।
स्वास्थ्य मन्त्रालयका अनुसार प्रदेश नं १ मा ११ जना, प्रदेश नं २ मा २० जना, बागमती प्रदेशमा १३३ जना, गण्डकी प्रदेशमा ६ जना र प्रदेश नं ५ मा ३८ जना र कर्णाली प्रदेशमा १५ जना आई.सी.यु.मा उपचारत छन् ।
त्यस्तै प्रदेश नं १ मा २ जना, बागमती प्रदेशमा ३२ जना र प्रदेश नं ५ मा ३ जनाको भेन्टिलेटरमा उपचार भइरहेको छ ।
नेपालमा मंगलबार १ हजार ३ सय ५६ जनामा कोरोना भाइरसको संक्रमण देखिएको छ । त्यस्तै ८ सय २३ जना उपचारपछि निको भएका छन् भने २ जना कोरोना संक्रमितको मृत्यु भएको छ ।