Get real time updates directly on you device, subscribe now.
९ जेठ, काठमाडौ । नेपालमा आइतबार १ लाख १५ हजार ५४७ जना सक्रिय संक्रमित रहेको स्वास्थ्य तथा जनसंख्या मन्त्रालयले जनाएको छ ।
मन्त्रालयको नियमित कोरोना अपडेटमा संक्रमितमध्ये हाल ७ हजार ३४९ संस्थागत आइसोलेसन र १ लाख ८ हजार १९८ जना होम आइसोलेसनमा रहेको मन्त्रालयका प्रवक्ता डा.जागेश्वर गौतमले जानकारी दिए ।
पछिल्लो २४ घण्टामा देशभरी ७ हजार ९१४ जनामा कोरोना भाइरसको संक्रमण पुष्टि भएको छ । त्यस्तै १९३ जना कोरोना संक्रमितको मृत्यु भएको मन्त्रालयले जनाएको छ ।
त्यस्तै १ हजार २३७ आइसियूमा र ४८४ जना भेन्टिलेटरमा उपचाररत रहेका छन् ।
पछिल्लो २४ घण्टामा ७ हजार ६६४ जना कोरोना संक्रमण मुक्त भएका छन् । नेपालमा हालसम्म संक्रमितमध्ये ३ लाख ९१ हजार ३४८ अर्थात ७६.३ प्रतिशत संक्रमणमुक्त भएका छन् ।